Спорттық тамақ өнімдерін өндіру кәсіпорнын іске қосу.
(ЭҚЖЖ: «10.89.9 Басқа топтарға енгізілмеген өзге тамақ өнімдерін өндіру»).
ӘЛЕМДІК НАРЫҚ
2020 жылдан бастап спорттық тамақ өнімдеріне деген жаһандық сұраныс 28,8%-ға өсіп, 66,6 млрд АҚШ долларына жетті. 2024 жылы әлемдік экспорт көлемі 64,5 млрд АҚШ долларын, жалпы тауар айналымы 131,1 млрд АҚШ долларын құрады.
ӨҢІРЛІК НАРЫҚ
Қазақстанда спорттық тамақ өнімдерінің импорты 77,5%-ға, ал экспорты 5,9 еседен астам өсті.
Астанада импорт 3,6 еседен астамға, ал экспорт 7,2 есеге өсті.
ӨНДІРУШІЛЕР
Қазақстанда спорттық тамақ өнімдерін (ақуыз қоспалары, аминқышқылдар, энергетиктер, дәрумендер кешені, ТН ВЭД 2106 санаты) өндіретін бірнеше кәсіпорын жұмыс істейді. Негізгі өндірістік қуаттар Алматы қаласында шоғырланған.
-
«Ecoprot» ЖШС (Beyond бренді) — спорттық тамақ өнімдерін шығаратын алғашқы отандық кәсіпорын. Ақуыздар, гейнерлер, аминқышқылдар, дәрумендер шығарады. ISO 9001:2015 және Halal стандарттары бойынша сертификатталған.
-
«KAZPROTEIN» ЖШС (Qazprotein бренді) — ақуыз қоспалары, коктейльдер, аминқышқылдар және дәрумендер кешенін өндіреді. Halal сертификаты бар.
-
«KazBAD» ЖШС — өнімді өзінің де, тапсырыс берушілердің де брендімен шығарады.
-
«Gazprotein» ЖШС — функционалды және спорттық тамақ өнімдерін өндіреді.
-
«ВарКо» ЖШС — нарықта 20 жылдан астам. Диеталық және спорттық тамақ өнімдерін шағын партиялармен шығарады.
-
«Bio-food» ЖШС — табиғи негіздегі ақуыздық және диеталық қоспалар шығарады.
-
«AB Energy» ЖШС — табиғи компоненттерді қолдана отырып, энергетикалық қоспалар мен спорттық тамақ өнімдерін өндіреді.
ШИКІЗАТ БАЗАСЫ
Спорттық тамақ өнімдерін өндіруге арналған шикізат көздері:
-
Сарысу ақуызы (концентрат, изолят) – спорттық тамақ өнімдерінің негізгі ақуыз көзі, импорттық шикізат жеткізушілері: «NutriPro» ЖШС, «Global Ingredients» ЖШС, «SportMix Kazakhstan» ЖШС.
-
Соя изоляты мен концентраты – өсімдік ақуызы, жануар ақуызына балама ретінде қолданылады. Жеткізушілер: «KazSoy» ЖШС, «FoodMaster Ingredients» ЖШС.
-
Мальтодекстрин мен глюкоза – жеңіл сіңірілетін көмірсулар көзі, жеткізушілер: «Almapak» ЖШС, «ИнтерФуд» ЖШС, «Central Asia Sugar» ЖШС.
-
Аминқышқылдар (BCAA, глютамин, аргинин) – спорттық тамақ өнімдерінің функционалды компоненттері, жеткізушілер: «ProRaw» ЖШС, «Biochem Trade» ЖШС, «NutraImport» ЖШС.
-
Дәрумендік және минералдық премикстер – өнімді байыту үшін. Жеткізушілер: «DSM Nutritional Products Kazakhstan» ЖШС, «Витамакс Азия» ЖШС.
-
Өсімдік майлары (MCT, күнбағыс, зығыр) – майлар мен энергия көзі. Жеткізушілер: «MasloDel» ЖШС, «Sun Oils Group» ЖШС, «KazAgroExport» ЖШС.
-
Тәттілендіргіштер (сукралоза, стевия) – қант қоспай-ақ дәм беру үшін. Импорттаушылар: «SweetTech» ЖШС, «Stevia.kz» ЖШС.
-
Хош иістендіргіштер мен табиғи дәмдік қоспалар – дәм сапасын жақсарту үшін. Жеткізушілер: «KazAroma» ЖШС, «Флейвор Групп Казахстан» ЖШС.
ЫҚТИМАЛДЫ НАРЫҚТАР
2024 жылы көршілес елдерге спорттық тамақ өнімдерінің жалпы импорты 8,6 млрд АҚШ долларынан асты.
БӘСЕКЕЛЕСТІК АРТЫҚШЫЛЫҚТАР
-
Импортты алмастыру және өнімді экспорттау әлеуеті;
-
Инвесторлар мен кәсіпкерлерге мемлекеттік қолдау;
-
Дамыған логистика және тасымалдау жүйесі.
МЕМЛЕКЕТТІК ҚОЛДАУ ШАРАЛАРЫ
Инвестициялық преференциялар
-
Кедендік баждардан босату (импортқа 0% 5 жылға дейін);
-
Салықтық жеңілдіктер (ҚҚС, КТС, жер салығы, мүлік салығы – 0%);
-
Натуралды гранттар (жер учаскелері, ғимараттар мен құрылыстар және т.б.);
-
Шетелдік жұмыс күшін (ШЖК) тарту.
Арнайы экономикалық аймақтардың преференциялары
-
Салықтық преференциялар (КТС, жер салығы, мүлік салығы);
-
Кедендік преференциялар (шикізат пен жабдықты импорттау);
-
Дайын инфрақұрылымы бар жер (жер учаскесін өтеусіз жалға алу);
-
ШЖК жалдау рәсімін оңайлату (квотадан тыс тарту).
«QazIndustry» Қазақстан индустрия және экспорт орталығы» АҚ арқылы қазақстандық өндірушілерді мемлекеттік қолдау шаралары
Индустриялық-инновациялық қызмет субъектілерінің шығындарының бір бөлігін өтеу:
-
еңбек өнімділігін арттыру және аумақтық кластерлерді дамыту бойынша;
-
отандық өңделген тауарларды сыртқы нарыққа ілгерілету бойынша;
-
отандық өңделген тауарларды, жұмыстарды және қызметтерді ішкі нарыққа ілгерілету бойынша.
