Үндістанның фармацевтикалық компаниясы Қарағанды облысында зауыт ашуды жоспарлауда
Үндістанның Tanushree Air Techniques компаниясы Қазақстанға сапармен келіп, «KAZAKH INVEST» ҰК» АҚ басқарма төрағасы Мейіржан Юсуповпен кездесті. Жиында Қарағанды облысында «Саран» индустриялық аймағы аумағында толық циклді химиялық-фармацевтикалық зауыт салу жобасы талқыланды.
Жобаны халықаралық GMP стандарттарына сәйкес жүзеге асыру 170 жұмыс орнын ашуға мүмкіндік береді деп жоспарлануда. Өнім ішкі және жақын маңдағы нарықтарға жеткізіледі. Жобаның құны 30 миллион доллардан асады.
Tanushree Air Techniques компаниясының директоры Апурвасинх Чавада өз сөзінде Қазақстанда дәрі-дәрмек шығаратын зауыт ашу ниеті туралы айтып, сонымен қатар компания өндірісті ұйымдастырумен қатар, қазақстандық қызметкерлерді жоғары технологиялық жабдықпен жұмыс істеуді оқытуды да өз мойнына алатынына сендірді.
«Бізде Үндістанның фармацевтикалық өнеркәсібінде 20 жылдық тәжірибеміз бар, 140-тан астам жобаны аяқтадық және әлемнің көптеген елдеріне өнім жеткіземіз. Қазақстанда біз Орталық Азия аймағындағы өндіріс тізбегін кеңейту жобасын жүзеге асыруды жоспарлап отырмыз», - деді Апурвасинх Чавада.
Ұлттық компанияның басқарма төрағасы өз кезегінде, Үкімет тарапынан серіктестерді инвестициялық әлеует пен фармацевтика саласындағы шетелдік бизнесті қолдау шаралары туралы хабарлап, сондай-ақ KAZAKH INVEST қызметі туралы егжей-тегжейлі айтып берді.
«Қолда бар ресурстар аясында KAZAKH INVEST әрбір инвесторға көмектесуге және әлемнің түкпір-түкпірінен келген инвесторлар үшін қолайлы бизнес ортасын қамтамасыз ету үшін бар күш-жігерін салуға дайын. Еліміздің фармацевтика өнеркәсібінің дамуы тұрғысынан өндіріс көлемінің ұлғаюын атап өткен жөн. Фармацевтика саласы мемлекеттік қолдаудың тиімді шараларының арқасында тиімді инвестиция тартудың орасан зор әлеуетіне ие», - деп түйіндеді сөзін Мейіржан Юсупов.
Сапар барысында Tanushree Air Techniques өкілдері Қарағанды облысына және «Саран» ИА-ға барады.
Анықтама:
Tanushree Air Techniques - Үндістандағы баспайтын, жұмсақ болаттан, темірден, PP/PVC/FRP және GI-дан жасалған фармацевтикалық жабдықтардың кең ауқымын жетекші өндірушілердің, экспорттаушылардың, қызмет көрсетушілердің бірі. Ассортимент фармацевтика, химия және аралас салаларда қолданылады.
Үндістандағы өндіріс орнында өндіріс және орау бөлімі, дизайн класы, сапаны тексеру және қоймалар сияқты әртүрлі бөлімдер бар.
